杜琪峯:
今晚(28日)與朋友吃飯剛問起智叔病情,想不到回家途中就收到智叔去世消息。一個咁好嘅演員,咁早離開,好難過,我見過咁多演員,智叔係好專業、性格又好,係演員嘅榜樣,佢嘅離開,係電影界損失,希望敏儀同佢家人可以節哀順變。
魯振順:
我哋一班同學經常有聚會,但去年智叔冇出現,得敏兒來,她冇講乜,我哋以為智叔佢開工。智叔平時都好少講嘢,咩都在心中,祝佢一路好走。
鮑起靜:
知道呢個消息真係好難過,我仲諗住佢會好返,希過再見到佢一面,可以一齊跑步,原來已經係冇機會。
羅敏莊:
我同智叔合作過幾劇,佢係一位非常好前輩。佢同我老公性格一樣唔太鍾意說話同嘈……老公同智叔一齊在浸會大學教學,老公都好口密,冇講過,直至件事公開咗,都要尊重對方,等智叔靜心養病……但我真係接受唔到。知道敏兒好堅強,希望佢保重,兩個囝囝釋懷聽聽話話。