「無信用嘅人仲點用信用卡？」在港涉及九宗控罪、早前藉公務外訪名義而棄保潛逃的立法會前議員許智峯，昨日在社交媒體自爆被滙豐銀行單方面取消他及家人的信用卡戶口，又話自己過去信貸紀錄良好，結果反被網民揶揄：「棄保潛逃嘅人有乜信用可講？」
金融界立法會議員陳振英解畫話，銀行取消許智峯的信用卡是「好正常嘅事」，完全出於「商業考慮」，因為許智峯「而家無咗固定收入來源，本身又係『逃犯』，點會有信用？」而其家人早前急匆匆到英國，在港亦無固定收入。
戶口被凍 無從退款
就許智峯稱銀行此舉是「侵吞資產」，陳振英估計，這是由於許智峯的滙豐戶口已被凍結，銀行無從退款畀佢，若以本票形式退還，需本人親自簽收。他又指，許智峯可委託律師或授權人跟進，「戶口嘅錢一定屬於客戶」。
民建聯立法會議員張國鈞在fb評論指出，許智峯「着草畀人通緝，個人無信用仲攞乜嘢信用卡？」他強調，「信用唔係人人都有㗎，將來唔還錢，銀行追你又話政治迫害就唔好啦」。
滙豐發言人回應《大公報》查詢時話，不評論相關賬戶的事宜，但強調無論在哪個市場營運，包括這個案的處理，都必須符合當地的法律法規。
評論
查看更多評論>>
加載中……
熱榜
