一起前行系列10/拆彈專家無畏無懼 兵不厭「炸」守護香港

前年六月爆發的暴亂，讓香港經歷了一段黑暗歲月，其間暴徒亂掟汽油彈、放置自製炸彈及炸彈嚇詐報告頻仍。警方爆炸品處理課（EOD）處理近200宗爆炸品案件，該課炸彈處理主任「拆彈專家」李展超接受《大公報》專訪時，憶述當差22年以來，以黑暴期間的感受最深，除因工作量超負荷之外，也對涉事年輕人犯下錯誤感到無比痛心，但相信「警隊有能力處理」。

正因這一份使命感和責任心，促使展超Sir面對任何高危的工作環境，仍然堅持拆解危機。\大公報記者 盧建輝、楊州（文）文澔（圖）

我哋唔係講求快，但要好準確，因為處理炸彈同拆彈嘅過程，除咗要有體能，仲要有韌力、耐力、耐性、EQ、抗壓同良好性格等心理質素。

現年44歲的李展超，1999年在加拿大大學畢業後，返港考獲警隊督察，並於2007年調任EOD，在這部門一做就是14年。展超Sir憶述：「EOD於2019年6月至2020年1月總共處理咗162宗爆炸品案件，警方同期接獲59宗炸彈嚇詐報告，處理嘅案件亦比前年升逾六成，黑暴期間除咗要應付不時發現嘅戰時炸彈、煙火偷運來港等工作外，亦要面對暴徒嘅自製炸彈裝置，人手沒有增加，但工作量就超出一倍，部門嘅壓力真係非常沉重。」

展超Sir續說：「喺黑暴期間，EOD檢獲嘅自製炸彈種類眾多，例如有TATP、水喉通炸彈、酼酸胺炸彈、黑火藥炸彈、硝酸甘油炸彈、遙控炸彈等等，都係外國國際恐怖組織廣泛使用嘅一樣，一旦引爆，絕對會造成極大傷亡。由於炸彈嘅穩定性唔高，唔可以喺運送過程時影響到周邊居民，所以每次發現暴徒嘅自製炸彈時，都要即時銷毀。」

警務處近日推出相隔20年再拍攝的宣傳片《守城》，片中恐怖分子圖以計時炸彈炸毀青衣庫，展超Sir透露：「由名導演林超賢執導，動用咗警方15個部隊、600名真警員參演，其中EOD派出三名拆彈專家將計時炸彈拆除，解除危險，影片嘅情節同現實相類似，事實上，警隊有不同部門，EOD呢個部門可說係高風險工作。2018年喺興建中嘅灣仔會展站沙中線，有地盤工人發現三枚重約1000磅嘅二戰期間遺留落嚟嘅炸彈，你唔知道呢枚炸彈係咪極不穩定，只要一個步驟出錯，你唔好講個人會灰飛煙滅，臨近幾百米嘅同事、市民同樓宇都會有無法估計嘅災害。」他堅定地說：「就係一份使命感同責任感，雖然面對危險，我仍然好喜愛呢份工作。」

不說不知，現時EOD只有十多名拆彈專家，以及20多名後備拆彈小隊，展超Sir指出，加入EOD要經過嚴格遴選，並不是體能最Fit的就可以加入，「我哋唔係講求快，但要好準確，因為處理炸彈同拆彈嘅過程，除咗要有體能，仲要有韌力、耐力、耐性、EQ、抗壓同良好性格等心理質素，每一至二年會從警隊挑選130名當後備助手，再從呢130名後備助手挑選四位進行訓練，呢四名後備助手經過五年實習，先可以升任為拆彈人員嘅助手」。他說，現時後備拆彈小隊成員由警隊不同部門加入，例如交通、刑事調查人員及文職，當中也有女性，男女體質雖然有別，但女性的優點是冷靜及有耐性，使用機械人更得心應手，事實上，能夠加入EOD，絕對都是警隊中的精英。